OUSITANIO VIVO Outoubre 1997

PREMI FRANÇOIS FONTAN - UNA VIDA PER L'OCCITANIA

Per lou secount ann soun istà dounà i premi "Uno vito per l'Ousitanio" en record de François Fontan, teoric de l'etnisme e paire de l'ousitanisme poulitic. Vourgù da l'asouchasioun Ousitanio Vivo per butar ensemo aquelos persounos que an dedià lour vito a l'Ousitanio, i premi soun istà counsenhà entramentier de l'amasado de Ousitanio Vivo a Venascho (val Varacho) la diamenjo 12 de outobre. Aquest'ann soun anà a Dinou Matteodo e Jaoume Resaire.

Dinou Matteodo (Fantin) de Fraise (val Varacho), es militant dal mouviment ousitan findi da lou coumensament de i ann '70, sendic dal siou pais da douos legislaturos e ent'aqueste moument viche-president de la Coumunità Mountano val Varacho,

da sempre en riferiment segur per tuchi aqueli que fan poulitico din les Valados e l'Ousitanio Grando.

Jaoume Resaire de Banhol (Prouvenso) es està en i ann '60 un de i premier coulabouratour de François Fontan dedin lou Partì Nasiounalisto Ousitan. A dubert e e tengù per na peso de ann uno "Librerìo Ousitano" al siou pais. Es segretari dal P.N.O. e redatour de la revisto LU LUGARN. Lou siou travai es empourtant sal pian teoric coumo sus aquel poulitic. Al curo da sempre i countat abou les aoutos etnios minouritarios dal mound. Per acoquì a pourtà i salut de i ousitan a lou premier coungres de i Bèrberi que s'es debanà a lou mes d'avoust a les Isoulos Canarios.

Dinou Matteodo e Jaoume Resaire soun istà premià da lou president de Ousitanio Vivo, Dario Anghilante, aboù en diplomo d'ounour e aboù en viage de tres journ per lour e lour famìios din l'Ousitanio (la nosto per Resaire, aquelo de l'aoute caire per Matteodo). I dui rejounhoun i premia de vouann (1996), Sergi Ottonelli e Peire Giraoud.

Jai e coumousioun per lour e per i amis de l'asouchasioun Ousitanio Vivo.

| Back |