Cors de cosina occitana a l’Institut Aubergista de Dronier

Mirelha Braç de l’Institut d’Estudis Occitans de la Region Languedoc Roussillon es vengua a Dronier per mostrar lhi segret de la cosina occitana a lhi joves de l’Institut Aubergista. Son estat de jornadas força agradias ente lh’escolans an porgut tochar abò las mans la riquessa d’un territori que es certament riche d’estòria, arts, lenga, ma que decò per la cosina es pas da rire. Mirelha Braç a publicat per la collection Vendémias de l’Institut d’Estudis Occitans lo libre "afogassets o l’art de beure pas tot sol"que encomensa com’aquò: "coma ditz l’Ives Roqueta, val mai beure amb d’amics que non pas tot sol. Sàbia resolucion qu’aplicam a la letra, pro ben sovent...."

Lo cors fasia partía de lo progect "Occitan lenga viva" de l’Europa que es ara acabat. Gaire de bòt es capitat qu’abo tan garire d’argent se sie arribat a far tan de causas coma abo aqueste progect, e la razon es qu’era menat per un’equipa especialistica força motivaa e que lo progect era ben delineat dins lh’obgectiu prefissat. Sabem pas se tan leu i serè encara la possibilitat de continuar ent’aquela dralha, l’auguri es que òc, per lo ben de las valadas.

OUSITANIO VIVO - Anado XXV - n° 10 - nouvembre 1999 - N° 239