OUSITANIO VIVO Novembre 1996
Sonde 5 d'otobre s'es facho dins la sede de Venasco na reunioun de l'Asouchasioun Ousitanio Vivo, oube la partesipasioun de na vinteno de persounes que venion apu-pres da toutes valades, d'aoutre qu- on pa pougù venir on mandà lour adezioun escricho. De moure noou-noou n'aven pa vist, bele se n'avion envità carcun; tetun aquie que soun vengù eroun ben ardì e oube d'idees e de vueio de far.
L'aviò carque temp que se faziò papus l'asembleo de i aderent, l'ero necesari verifiar les fouorses despounibles, render pousibou a de jent novo de far part de l'asouchasioun abou en teserament e de renouvelar les charjes previstes da l'estatut.
President de l'Asouchasioun es està recounfermà Dario Anghilante, animo storico e paire de gron part d'i travai que soun sta fach dins aquisti ann, mentre lou noou cousei d'aministrasioun es fourmà da Dario Anghilante, G.Antonio Richard, Diego Anghilante (novo levo de l'ousitanisme que jo da na partiò d'ann à betà a despouzisioun sa junesso pieno de vitalità e soun entusiasme, sourtout dins lou journal), Massimo Manavella e Mauro Rabbia.
Da la fin de l'ann, apres que lou diretour respounsable Alberto Burzio nous à demandà de eser rempiasà, Diego Anghilante farè lou diretour respounsable de Ousitanio Vivo.
La diresioun sourtento a prepauzà de moudifiar carque pichoto part de l'estatut, papus adat a l'atività de l'asouchasioun que dins aquisti ann es creissuò enormament.
Da part de tuchi i prezent a l'asembleo soun vengues de proupostes de travai da far e sourtout d'idees per dounar a l'asouchasioun n'ourganizasioun mouderno e efichento.
Per ezempi s'es desidà de nouminar de respounsable per chasque setour de travai:
- Rapouort oube i media, proumousioun d'es atività de l'asouchasioun:
doues persounes qu-on pa besounh de prezentasioun, Fredo Valla e Antonio Rovera, s'ucuparen d'aqueste empourtont setour oube lour profesiounalità;
- Respounsable per i Rescountre Ousitan:
Giampiero Marro de Limoun e Massimo Manavella de Banhol;
- Edisioun (libre - edisioun musicales):
Ines Cavalcanti de La Rocho de Drounier e G.Antonio Richard de Blins.
S'es enfin ezaminà la situasioun finansiario de l'asouchasioun: es necesari que d'auro 'n'avonti chasque atività aise soun pion finansiari, soun fenì i temp de l'emprouvizasioun, tout anarè curà en maniero proufesiounalo.