OUSITANIO VIVO dezembre 1998
'Apres 40 an, a Blins se fai mai Beò
‘Scazi papus degun se navizo que Blins, cumuno de
l’àouto Val Varacho, aviò sa Beò (Baìo). Lou drier bot
que aquie dei Cartier ‘n Aout (Blins à dui Cartier,
l’aoutre ‘l ei lou Cartier ‘n Aval) on fach aquelo
vieio manifestasioun ‘l ei està din lou 1958: apres, la
jent de Blins à papus agù la fouorso e la vueio d’aquel
tracas. Coumo din scazi tuchi i pais d’es nouòstres
valades, qui à pougù à ‘scapà: aquie que soun restà
avion papus vueio de far festo.
En perfeto tendenso abou la novo vueio de se riaproupriar de sa coulturo que atraverso coumo ‘n àouro les valades, a Blins es tournà la vueio de far Beò.
Boucò, couonto e recouonto, bele en sounont aquie que vìvoun din la piano, per far la Beò dei Cartier ‘n Aout la moncavo d’ome. Coumo per les àoutres Baìes tuchi i persounage per tradisioun soun d’ome. Alouro que far? Durbir ai "fourestier" dei Cartier ‘n Aval, ou durbir a ‘s frémes? A carque vieiot en oouvont a parlar de frémes din la Beò la i veniò la charn de poulo. I on pa mal descutà i paoure ourganizatour: i on ruzeà e a la fin semeavo que la fous pa posibou n’en sourtir. Pei i on pres la desizioun "estorico" de far entrar les frémes. Na desizioun que mancarè pa de far parlar
Ma soque es aquesto Beò? Per carcun, decò a Blins l’oriò agù na revolto de la poupoulazioun couontro i sarazin que din lou X siecle mountavoun fin eilamoun a roubar e asacajar tout. Es pa na manifestasioun relijouzo coumo din carque valado, e, mai que dedin la pu couneisuò Baìo de Sompeyre, la Beò à na grondo teatralità. Se faziò tuchi an de carlevar, lou mars gras. I persounaje, na cranteno, soun: i Picounier, lou Viei e la Vieio, les Sarazines, l’Arlequin, i Sooudà, lou Gingolo, lou Mousù e la Damo, i Cadet, l’Espous e l’ Espouzo, lou Medic, lou Turc, i Carabinier, i Sounadour, lou Salvaje.
Lou percours de la Beò vai da Lou Chazal, a Les Seles, a Prafaouchier per mai tournar a Les Seles. En percours que reservo na gron cantità de sourprézes: d’àrbou de travers da taiar, lou Salvaje que scapo e suefr que la fai afre conte ei paso vezin a na guieizo ou a n’imajo relijouzo, lou viei que chapo malA la fin i bruzoun lou chìchou en chantont la vieio chansoun "Adieou paoure carlevar"; la festo countinuò oubè les donses de Blins, en minjont e bevont en alegrio.
Per festejar lou retourn de la Beò din i temp mouderne, l’oourè dues sourties: diamenjo graso (lou 14 de febrier) e lou drier de carlevar (lou 16).
Giovanni Antonio Richard