OUSITANIO VIVO Outoubre 1997

ESPACI OCCITAN

Es oficial la noticia que lo progèt per las Valadas Occitanas d’Itàlia denominat ESPACI OCCITAN à agut lo financiament de la Comunitat Europenca abò lo 75% de tres miliards de liras, lo restant 25% lo metrà lo territòri (Comunitats Montanas, Provincias ...). Al naisserà a Dronier, en val Maira, una de las dodze Valadas Occitanas, e vòl èsser un còr que bat per totas las valadas e un sit de referéncia per l’Occitania granda.

Espaci Occitan se met sal merchat per ésser interlocutor d’aquelas realtats que vòlon veire luènh, dona sua disponibilitat a la dobertura d’una banca de progèts en partenariat a tres (Valadas, Occitania granda, Occitania catalana) en tuchi lhi domenis: lenga e cultura, mas decò economia.

Espaci Occitan a dui ans de temps per èsser realisat. Un grand event de comunicacion exteriora es previst ent al 1999.

Espaci Occitan es un contenitor que vai èsser empilhit abò:

• UN ISTITUT D’ESTUDIS OCCITANS, aquò qhe vòl dire: normalisacion de la lenga, bibliotèca, mediatèca.
• SÒN DE LENGA, itinerari multimedial a la descubèrta de l’Occitania.
• CENTRE PER LO TORISME
• BOTIGA ESPACI.

Espaci Occitan nais abò l’ambicion d’èsser un progèt per lo desvelopament econòmic d’lhi territòris de las Valadas, desvelopament que vòl aver lo siu basament sus l’identitat occitana culturala e econòmica.

| Back |