Ousitanio Vivo : Vocabolari a Figuras

Vocabolari a figuras
Novitaa editoriala de Ousitanio Vivo

Es fresc de publicacion un important estrument per l’occitan alpenc, lo Vocabolari a Figuras que la ELI, en collaboracion abo Ousitanio Vivo, a estampat per nòstras valadas.

Mai que 1000 paraulas e illustracions, 80 pàginas a colors abo per chasqua figura lo nom en occitan alpenc. Es decò un vocabolari inter-actiu perché per chasqua paraula la lhi a la luea dapè, per escriure la varianta locala o dins una grafia diferenta.
Un estrument fondamental e modèrn per practicar e emprener la lenga que vai ben tant per lhi escolars que per lhi grand.
Lo pretz es verament contengut: 10 euro, en maniera que tuchi pòlen l’aver.

Ousitanio Vivo lo propausa as escòlas a lo pretz especial de 8 euro. Chasque escolar pòl ne’n aver un dins sa tasqueta!

Sul prossimo numero di O.V. la recensione dettagliata del Vocabolari a Figuras

Lo Vocabolari a figuras Eli presenta dins na maniera plasenta de paraulas sie las mai correntas sie las mai novèlas de la lenga occitana, abo de vèrbes, d’adjectius, advèrbes e preposicions.

Las 35 taulas dessenhaas son organizaas per tèmas e abo d’argoment familhars o gaire coneissuts que ben interesson lhi filhets.

A travèrs la correspondencia entre imatge e paraula es mai simple liar la paraula a l’objècte dins na maniera automàtica.

Al fons dal libre la lhi a una lista de paraulas en òrdre alfabétic abo dapè lo numre de la taula ont se trobon.

Amusant e simple da consultar, lo vocabolari a figuras ELI es un premier instrument interactiu que presenta l’occitan alpin dins una forma referenciala en grafia clàssica mas dona decò la possibilitat d’escriure dapè chasque paraula una version mai locala o d’una region occitana diferenta.

Ideat da Joy Olivier
Feguras: Alfredo Brasioli
Version occitana: Dario Anghilante, Gianna Bianco (collaboracion de Franc Bronzat)
Estampat en Italia da la Tecnostampa s.r.l.

SOMARI DES TAULAS

Far meiranda
La chambra
La cusina
La familha de Beatritz
La vila d’uvèrn e d’istat
A l’escòla
En biblioteca
L’ufici
L’auberge
Las botigas
La botiga des vèstas
Se vestir d’uvèrn e d’istat
Frucha e verdura
Lo restaurant
Lhi mestiers
En viatge
L’aeropòrt e l’estacion
Lo còrps
L’espòrt
La palestra
Lhi mes e lhi jorns Las sasons e lo temps
A l’entorn
La mar La montanha
L’acampament
A la campanha
Lo jardin zoològic
Ental bòsc
Dins l’aiga
La fèsta
Lo teatre
L’estudi televisiu
Lhi numres, las colors e ……..las formas
Ente son?
Lhi adjectius
Las accions

OUSITANIO VIVO - Anado XXIX - n° 07- lui 2002 - N° 269