Verba Volant
Las mai bèlas maximas
via e-mail gratis e en Occitan
Un Diccionari on line en Lenga d’òc decò per mainats.
Las mai bèlas maximas dal monde entier, reviraas en 35 lengas -entre las qualas l’Occitan- tuchi lhi matins gratis dins vòstra boita postala electronica.
L’iniciativa sonaa Verba Volant es del Gruppo Logos www.logos.it , premier en Europa dins las traduccions e la gestion de la comunicacion multilingüa. Receure Verba Volant es mai que simple.
Chal sonque senhar son e-mail o aquel d’un amís a aquesta adreiça: www.rol.it/owa-k/press.rol_ml.verbavolant .
Las maximas son chausias entre lhi melhors escrivaires e poètas de totjorn e son reviraas encuèi en mai que 35 lengas: da l’italian al croate en passant per anglés, francés, olandés, arabe e decò occitan.
La version en Lenga d’òc es curaa da Rosella Pellerino, ensenhaira de cultura e lenga occitana, membre de la comission lingüistica internacionala que trabalha sus l’occitan aupenc, autrítz de libres e cd-rom sus lo monde occitan.
Ambè la maxima del jorn, Verba Volant prepausa decò una biografia de lhi autors.
Un biais per difusir e valorisar ensemp lo multilingüisme e la cultura mercés las mai modèrnas tecnologias.
Lo succès de Verba Volant, qu’a encuèi mai que 80.000 abonats, es demostrat das centenas de novèlas inscripcions qu’arribon chasque jorn. Verba Volant es realisat en collaboracion ambè lo Diccionari online de Logos
www.logos.it/new_dictionary/index_en.html
Aqueste prepausa gratis mai que 9 milions de mots en 193 lengas nacionalas, regionalas e localas de la planeta entièra: decò l’Occitan, qu’encuèi a jà enregistrat 2500 paraulas.
Lo diccionari es vivent, perqué permet a chasque abonat d’ajontar la traduccion de novèls mots.
Dapet lo Diccionari Vivent, i a lo Diccionari di Mainats (www.logos.it/bimbi)
ambè las reviradas en mai que 100 lengas, comprés l’occitan, des paraulas mai emplegaas dai mainats. Dins aqueste cas las paraulas son collegaas a figuras e a files sonòrs per la prononciacion.
Per autras informacions: Matteo Incerti - tel: 059-412 557 - mincerti@logos.it
OUSITANIO VIVO - Anado XXVIII - n° 10- nouvembre 2001 - N° 261